एमाले पर्वतको अध्यक्षमा पदम गिरी समूहका गोविन्द पहाडी निर्वाचित

पोखरा
नेकपा एमाले पर्वतको अधिवेशनमा पदम गिरी समर्थित प्यानलले निर्वाचित भएको छ । एमाले पर्वतको १०औं अधिवेशनमा राष्ट्रिय सभाका निवर्तमान अध्यक्ष गणेश तिमिल्सिना समर्थित प्यानललाई हराउँदै पदम गिरी समर्थित प्यानल निर्वाचित भएको हो ।

तिमिल्सिना समर्थित प्यानलका पदमपाणी शर्मालाई पराजित गर्दै गिरी समर्थित प्यानलका गोविन्द पहाडी अध्यक्ष निर्वाचित भएका छन् । पहाडीले २४८ र शर्माले १२७ मत प्राप्त गरे ।

गिरी समर्थित प्यानलबाट बिमल लामिछाने उपाध्यक्ष, सुवास पौडेल सचिव, चण्डी भुर्तेल र विन्दु अधिकारी उपसचिव निर्वाचित भएका छन् । तिमिल्सिना समर्थित प्यानलबाट उपाध्यक्षमा उम्मेदवारी दिएका मिनप्रसाद श्रेष्ठ, सचिवमा शिवप्रसाद पौडेल, उपसचिवमा जिवनविक्रम उचै र सरिता भण्डारी पराजित भएका हुन् ।