पोखरा ।
नेपाल र वेष्ट इण्डिज ‘ए’ बीचको टि–२० शृंखलाको चौथो खेल आज हुँदैछ ।
खेल कीर्तिपुरस्थित त्रिवि क्रिकेट मैदानमा दिउँसो सवा १२ बजेबाट सुरु हुनेछ ।
पाँच खेलको टी–२० शृंखलाका लागि नेपाल भ्रमणमा आएको वेष्ट इण्डिज २–१ ले अगाडि छ ।
दोस्रो खेलमा घरेलु टिमलाई १० रनले र बुधबार भएको तेस्रो खेलमा ७६ रनले पराजित गरेको थियो ।
पहिलो खेलमा भने नेपालले चार विकेटको जित निकालेको थियो ।
तीन खेलमा दुई खेल गुमाइसकेको नेपालले सिरिज आफ्नो पक्षमा पार्ने सम्भावना कायम राख्न आजको खेल जित्नै पर्ने दबाब छ ।
यी दुईबीचको पाँचौँ तथा अन्तिम खेल शनिबार हुनेछ ।
आगामी जुनमा आयोजना हुने आईसीसी टी–२० विश्वकपको तयारीका क्रममा नेपाल र वेष्ट इण्डिजबीच मैत्रीपूर्ण खेल भइरहेको हो ।
आईसीसी टी–२० विश्वकप जुन १ देखि २९ तारिखसम्म अमेरिका र वेस्ट इन्डिजमा संयुक्त रूपमा आयोजना हुँदैछ ।
आगामी टी–२० विश्वकपमा नेपाल समूह ‘डी’ मा छ । यो समूहमा दक्षिण अफ्रिका, श्रीलंका, बंगलादेश र नेदरल्याण्ड्स छन् ।
वेष्ट इण्डिज समूह ‘सी’ मा छ । यो समूहमा न्युजिल्यान्ड, अफगानिस्तान, पपुवा न्यु गिनी र युगाण्डा छन् ।
प्रकाशित मिति २०८१ वैशाख २० गते बिहीबार ०९:२६
