पोखरा
गण्डकी प्रदेशका मुख्यमन्त्री खगराज अधिकारीले मन्त्रीमन्डल विस्तार गर्ने भएका छन् । एमालेका २ जना मन्त्री थपिन लागेका हुन् ।
प्रदेश प्रमुखको कार्यालयले दिउँसो साढे ४ बजेपछि सपथको तयारी गरेको छ ।
पहिलो पटक मुख्यमन्त्री हुँदा नै खगराजका सारथी सिता सुन्दास र बेदबहादुर गुरुङ ‘श्याम’ लाई दोेहो¥याउँदैछन् ।
माओवादीबाट पनि १ जना मन्त्रीलाई आजै सपथ खुवाउने तयारी रहेकोे छ । यद्यपि माओवादीबाट के मन्त्री बन्छ अझै टुंगो लागेको छैन ।
सिता सामाजिक विकास र बेदबहादुरले उर्जा मन्त्रीको रुपमा सपथ लिन लागेको स्रोतले जानकारी दिएको छ । पहिला सिताले आर्थिक मामिला र बेदबहादुरले कृषि मन्त्रालयले सम्हालेका थिए ।
आइतबार मात्रै गण्डकीका मुख्यमन्त्रीले विश्वासको मत लिएका थिए ।
सभामुख कृष्णप्रसाद धितालले ३० सांसदको मतलाई नै बहुमत घोषणा गरेपछि विवादमा तानिएका छन् । नेपाली कांग्रेस संसदीय दलका नेता सुरेन्द्रराज पाण्डे सर्वोच्चमा रिट दायर गर्न सोमबार काठमाडौं पुगेका छन् ।
प्रकाशित मिति २०८१ वैशाख २४ गते सोमबार ०३:५५
