नेपाल नेत्रहिन संघ, पुर्नस्थापना कार्यक्रमको सार्वजनिक सुनुवाई

गोरखा ।

नेपाल नेत्रहीन संघ, पुनस्थार्पना कार्यक्रमको सार्वजनिक सुनुवाई तथा जिल्ला स्तरीय परियोजना सल्लाकार समितिको बैठक सम्पन्न भएको छ ।

गोरखा सदरमुकाममा आईतबार एक कार्यक्रमकाबीच सार्वजनिक सुनुवाई सम्पन्न भएको हो ।

नेपाल नेत्रहिन संघ पुनस्थापना कार्यक्रम कार्यालयको आयोजनामा भएको कार्यक्रममा कार्यालयले २०२० देखि जिल्लाका ८ वटा पालिकामा गरेको गतिविधिहरुका बारेमा सहभागीहरुलाई जानकारी गराएको थियो ।

कार्यक्रममा प्रमुख अतिथि जिल्ला समन्वय समितिका प्रमुख मोहनबहादुर थापा मगर, सहायक प्रमुख जिल्ला अधिकारी चित्रांगत बराल, गोरखा नेत्रहिन संघकी गिता माया श्रेष्ठ, जनप्रतिनिधी लगायतले शुभकामना मन्तव्य व्यक्त गरेका थिए ।

उनीहरुले कार्यक्रम संघको कार्यक्रम राम्रो रहेको र आगामी दिनमा अझ थप क्षेत्रमा कार्यक्रम विस्तार गर्नुपर्नेमा जोड दिएका थिए ।