पोखरा ।
प्रधानमन्त्री केपी शर्मा ओलीले विदेश पलायन हुने ट्रेन्डभन्दा देश बनाउन ध्यान दिनुपर्ने बताएका छन् ।
उनले अरु कोही आएर देश नबनाइदिने बताए । उनले देशमा ठूला परिवर्तन भइरहेको दाबी गरे । समृद्ध नेपाल र नेपाली जनतालाई सुखी बनाउन चाहेको प्रधानमन्त्री ओलीको दाबी छ ।
व्यवस्था परिवर्तन भएपनि अवस्था जस्ताको तस्तै छ भन्नेहरुका लागि प्रधानमन्त्री ओलीले देश बनिरहेको जवाफ दिए ।
पोखरा स्वास्थ्य विज्ञान प्रतिष्ठानको पहिलो दीक्षान्त समारोहलाई सम्बोधन गर्दै उनले नेपाली बौद्धिक पुर्खाको सन्तती भएको जिकिर गरे ।
पोखरा स्वास्थ्य विज्ञान प्रतिष्ठानले मेडिकल विज्ञान संकाय पोस्टग्राजुएट (चिकित्सा डाक्टर र शल्यचिकित्सा स्नातकोत्तर, एमडीरएमएस) का प्रथम र दोस्रो ब्याचका क्रमशः १७ र २६ जना विद्यार्थीलाई दीक्षित गरेको हो ।
२०७२ माघ १२ मा स्थापन भएको प्रतिष्ठानले यो वर्षदेखि ५० कोटामा पढाउन थालेको छ । प्रतिष्ठानमा एमबिबिस, एमडी, एमएस र नर्सिङतर्फ अध्यापन हुने गर्दछ ।
प्रकाशित मिति २०८१ माघ ३ गते बिहीबार ०४:३७
