अर्थमन्त्री विष्णु पौडेलको आरोप : ‘भीम रावल अराजकतावादी मान्छे हुन्’

पोखरा ।

नेकपा एमाले उपाध्यक्ष एवम् अर्थमन्त्री विष्णु पौडेलले भीम रावत अराजकतावादी मान्छे भएको आरोप लगाएका छन् ।

एमाले कास्कीले आयोजना गरेको अगुवा कार्यकर्ता भेला कार्यक्रममा उपाध्यक्ष पौडेलले पार्टीले कारवाही गरेको भीम रावल व्यक्तिगत स्वार्थमा चल्ने आरोप लगाएका हुन् । भीम रावलको सन्दर्भमा भ्रम नराख्न पौडेलले आग्रह गरे ।

रातैरातो छाएको अर्थतन्त्रको परिसूचकहरुमा आफुहरु आएपछि क्रमशः पहेलो र हरियो हुने उनको दाबी थियो । अहिलेको सरकारले ध्वस्त भएको अर्थतन्त्रलाई सम्हालेर यो अवस्थामा ल्याएको अर्थमन्त्री पौडेलले बताए ।