तनहुँ ।
शुक्लागण्डकीस्थित मुक्तिनाथ शुक्लागण्डकी च्यवनधाम गाछेपानीदेखि ढोरबराही मन्दिरसम्म ५ किलोमिटरको मिनी म्याराथनमा दिपेश थापा विजयी भएका छन् ।
शुक्लागण्डकी जेसीजले आयोजना गरेको प्रथम संस्करणको मिनि म्याराथनमा ७० जना विद्यार्थी सहभागी थिए ।
म्याराथनको उपाधि गाउँफर्काेदय माध्यमिक विद्यालयका दीपेश थापाले जिते ।
५ किलोमिटर दूरीको दौड २२ मिनेट ५५ सेकेन्डमा पूरा गर्दै उपाधि जितेका थापाले ७ हजार रुपैयाँको साथमा मेडल र प्रमाणपत्र प्राप्त गरे ।
म्याराथनमा पञ्चमुनिदेव माध्यमिक विद्यालयका भोजबहादुर गैह्रे २३ मिनेट ३८ सेकेन्डमा दूरी पूरा गरेर दोस्रो र सुरज हमाल २३ मिनेट ४० सेकेन्डमा दौड पूरा गर्दैै तेस्रो भए ।
नेपाल पुलिस स्कुलका अंकित रानाभाटले २३ मिनेट ५६ सेकेन्डमा दौड सकाएर चौथो स्थान हासिल गरे ।
उनीहरुले क्रमशः ५ हजार, ३ हजार र १ हजार रुपैयाँको साथमा मेडल र प्रमाणपत्र प्राप्त गरेका छन् ।
छात्रातर्फ तालवेसी माध्यमिक विद्यालयकी सपना परियार विजेता बनिन् । उनले ५ किलोमिटर दौड ३१ मिनेट ४६ सेकेन्डमा पूरा गरेकी हुन् ।
सपनाले २ हजार साथमा रुपैयाँको साथमा मेडल र प्रमाणपत्र प्राप्त गरेकी छिन् ।
छात्रतर्फ ५ धावक मात्रै सहभागि थिए ।
प्रकाशित मिति २०८१ फागुन ८ गते बिहीबार ०७:३३
