पोखराका वडाध्यक्षमाथी रड प्रहार

पोखरा ।

पोखरा महानगरपालिका वडा नम्बर २१ का वडाध्यक्ष दिपक सुबेदीमाथि एक पुरुषले रड हान्ने प्रयास गरेका छन् ।

आइतबार सार्वजनिक जग्गामा बनाउदै गरेको संरचना रोक्न गएका बेला पोखरा-२१ बाझिपोखरीका भुपेन्द्र गिरिले रड प्रहार गरेको वडाध्यक्ष सुवेदीले जानकारी दिए । ‘सार्वजनिक जग्गामा संरचना नबनाउन हामिले धेरैपटक आग्रह गरियो। तर, रातारात संरचना बनाउने काम भयो । त्यसलाई रोक्न नगरप्रहरीसहित त्यहा पुगेका थियौं । कुरा गर्ने क्रममा उहाँले रड प्रहार गर्नुभयो,’ उनले भने ।

यो विषय छलफल गर्न वडा समिती र सर्वपक्षीय बैठक डाकिएको सुबेदीले बताए ।

सामाजिक सन्जालमार्फत मेयर धनराज आचार्यले यो घटनाको निन्दा गरेका छन् । घटनाले विकास र न्यायको मार्गमा ठूलो अवरोध सिर्जना गरेको उल्लेख गरेका छन् । संरचना हटाउन अनुरोध गर्दै कागजपत्र लिएर कार्यालय आउन अनुरोध गर्दा अटेर गरि उल्टै जनप्रतिनिधिलाई हातपात गरेको मेयरको आरोप छ ।