गोरखा ।
मानव सेवा आश्रम गोरखा शाखाको निर्माणाधिन भवनलाई पूर्णता दिने उद्देश्यले ‘मिट एण्ड ग्रिट’ कार्यक्रम आयोजना गरिएको छ ।
आफ्नो नवौं स्थापना दिवसको अवसर पारेर जिल्ला सदरमुकाममा मंगलबार सो कार्यक्रम गर्न लागिएको सोमबार आयोजित पत्रकार सम्मेलनमा आश्रमका संस्थापक रामजी अधिकारीले जानकारी गराएका हुन् ।
गोरखा नगरपालिका–८ मा निर्माणाधिन अवस्थामा रहेको आश्रमको भवनको हालसम्म ७५ प्रतिशत काम सम्पन्न भइसकेको उनले बताए ।
बाँकी काम सम्पन्न गर्नका लागि करिव चार करोड रकम लाग्ने अनुमान गर्दै उनले सोही रकम जुटाई ३ महिना अवधि भित्र गृह प्रवेस गर्ने उद्देश्य सहित कार्यक्रमको आयोजना गरिएको जानकारी दिए ।
हाल भाडामा संचालन हुदै आएको आश्रमको गोरखा शाखामा बालक १५ जना र बालिका २१ जना गरि ३६ जना बालबालिका आवासिय सुविधा सहित बस्छन् ।
त्यस्तै आश्रमले हालसम्म ६६ जना बालबालिकाको उद्वार गरेको छ ।
गण्डकी प्रदेशका मुख्यमन्त्री सुरेन्द्रराज पाण्डेको प्रमुख आतिथ्यतामा कार्यक्रम आज दिउँसो ३ बजेबाट हुने बताइएको छ ।
आश्रमका संस्थापक रामजी अधिकारीमा अनुसार गोरखा नगरपालिका वडा नं ८ मा रहेको शाखाको भवन निर्माणमा हालसम्म चार करोडभन्दा बढी रकम खर्च भईसकेको र करिब पचास लाख रकम ऋण रहेको छ ।
भवन निर्माण सम्पन्न गर्न थप चार करोड रकम अपुग हुने उल्लेख छ ।
सोही रकम जुटाउने उद्देश्य सहित मंगलबार ’मिट एण्ड ग्रिट’ कार्यक्रम आयोजना गरिएको मानव शेवा आश्रम गोरखाकी संयोजक अन्जु मोक्तान (सम्भावना)ले बताइन् ।
शाखा कार्यालय गोरखामा हाल ३६ जना बालबालिकाहरु आश्रित रहेको उनले जानकारी दिए । यस कार्यक्रममा बरिष्ठ हास्य कलाकार मनोज गजुरेलको प्रस्तुती रहने छ ।
आश्रमले भवन निर्माण पूरा गरी बालबालिकाहरूलाई अझ राम्रो सेवा प्रदान गर्ने लक्ष्य राखेको छ ।
प्रकाशित मिति २०८१ चैत ४ गते मंगलबार ११:१४
