विनयी खोलामा आएको बाढीले अस्थायी डाइभर्सन बगायो, दुम्किवासमा सडक दुईतर्फी अवरुद्ध

पोखरा ।

विनयी खोलामा आएको बाढीले अस्थायी डाइभर्सन फेरि बगाएको छ ।

पूर्वपश्चिम राजमार्गअन्तर्गत पूर्वी नवलपरासीको दुम्किवासमा सडक दुईतर्फी नै अवरुद्ध भएको छ ।

गएरातिको पानीले खोलामा बाढी आएपछि त्यसअघि हिजो दिउँसो बनाएको अस्थायी डाइभर्सन पुनः बगाएको हो ।

डाइभर्सन बगाएपछि गाडी आवागमन दुईतर्फी नै बन्द भएको छ ।

अहिले त्यस क्षेत्रमा इन्जिनियरसहितको टोली परिचालन गरेर छिटोभन्दा छिटो गाडी चल्न सक्ने गरी मर्मतको काम भइरहेको छ ।

पानीको वहाव कम हुँदै गएकोले दिउँसोसम्म गाडी चलाउन सक्ने गरी काम हुने जनाइएको छ ।

मनसुन सुरु भएसंगै वर्ष हुँदा विनयी खोलामा बाढी आएर डाइभर्सन पटक–पटक बगाउने गरेको छ ।