काेराेना अपडेट : बुधबार देशभर थप ४२ काे मृत्यु

पाेखरा । पछिल्लो २४ घण्टामा काेराेना भाइरसकाे संक्रमणबाट थप ४२ जनाले ज्यान गुमाएका छन् ।

यहि अवधिमा देशभर थप ३ हजार ४०३ जना नयाँ कोरोना संक्रमित थपिएका छन् । स्वास्थ्य तथा जनसंख्या मन्त्रालयकाअनुसार १६ हजार ८ सय ३८ परीक्षण गर्दा ३ हजार ४०३ जना संक्रमित थपिएका हुन् ।

११ हजार ८ सय ३९ जनाको पीसीआर परीक्षण गर्दा २६१३ जनामा संक्रमण पोजेटिभ पुष्टि भएको छ भने ४ हजार ९ सय ९९ जनामा गरिएको एन्टिजेन परीक्षणमा ७९० जनामा संक्रमण पुष्टि भएको छ ।

मन्त्रालयका अनुसार पछिल्लो २४ घण्टामा संक्रमणका कारण ४२ जनाको मृत्यु भएको छ भने २१ सय ४ जना निको भएर फर्किएका छन् ।