देशभर थप २४ काे मृत्यु, १ हजार ३८८ जना संक्रमित थपिए

पाेखरा । नेपालमा आइतबार १ हजार ३८८ जना कोरोना भाइरसका संक्रमित थपिएका छन् । स्वास्थ्य तथा जनसंख्या मन्त्रालयका अनुसार पीसीआर तथा एन्टिजेन परीक्षणका क्रममा आइतबार थप १ हजार ३८८ जनामा संक्रमण पुष्टि भएको हो।

मन्त्रायका अनुसार ७ हजार २५९ जनाको आरटी–पीसीआर विधिबाट नमूना परीक्षण गरिएको थियो। पीसीआर विधिबाट नमूना परीक्षण गर्दा १ हजार २१४ जनामा संक्रमण पुष्टि भएको मन्त्रालयले जानकारी दिएको छ।

यस्तै, सोही अवधिमा देशभरका विभिन्न ठाउँमा गरी ३ हजार ३८ जनाको एन्टिजेन परीक्षण गरिएको मन्त्रालयले जानकारी दिएको छ। एन्टिजेन परीक्षणबाट १७४ जनामा संक्रमण पुष्टि भएको हो।

यस्तै कोरोनाबाट थप २४ जना कोरोना संक्रमितको मृत्यु भएको मन्त्रालयले जानकारी दिएको छ। यससँगै नेपालमा हालसम्म कोरोना भाइरसको संक्रमणबाट ज्यान गुमाउनेको संख्या १० हजार ७१४ पुगेको छ।

यस्तै आज २२६० जना संक्रमणमुक्त भएका छन् ।