बाल सुधार गृहको झैझगडा भइ अवस्था भयावह भए प्रहरीले हतियारको प्रयोग गर्नसक्ने

काठमाडौं ।

महिला, बालबालिका तथा ज्येष्ठ नागरिक मन्त्रालयकी सचिव लक्ष्मीकुमारी बस्नेतले बाल सुधार गृहमा प्रहरीले हतियारसहित प्रवेश पाउने प्रावधान राख्न लागिएको बताएकी छन् ।

बिहीवारको महिला तथा सामाजिक मामिला समितिको बैठकमा बोल्दै उनले बाल सुधार गृहमा प्रहरीले हतियार सहित प्रवेश पाउने प्रावधान राख्न लागिएको जानकारी गराएकी हुन् । यसअघि प्रहरीलाई सुधार गृहभित्र जाँदा हातहतियार लिएर जान पाउने व्यवस्था थिएन । जस्तोसुकै झगडा भएपनि हतियोर प्रयोग गर्न पाउँदैन थिए । अब संशोधन हुन लागेको बालबालिका सम्बन्धी अधिकार, २०७५ लाई संशोधन गर्न बनेको विधेयकमा भने भयावह अवस्था आएको खण्डमा नियन्त्रणका लागि अन्तिम अस्त्रको रुपमा हातहतियार चलाउन पाउने व्यवस्था राखिएको बताउँदै उनले बाल सुधार गृहमा राखिएका १८ वर्ष पार गरिसकेका व्यक्तिहरुलाई अब नुवाकोटस्थित कारागारमा एउटा ब्लक लिएर सार्न लागिएको जनाइन् ।

उनका अनुसार उक्त भवनमा २५० जना अटाउनेछन् ।