गण्डकीमा पनि खुल्यो लाइसेन्स ( के को ट्रायल कति गते ? हेर्नुहाेस् )

गण्डकीमा कोभिडका कारण लामो समयदेखि रोकिएको सवारी चालक अनुमतिपत्र (लाइसेन्स) परीक्षा सञ्चालन हुने भएको छ। यहि भदाै २५ गतेदेखि यसअघि बायाेमेट्रिक गरिसकेका सेवाग्राहीहरुका लागि लिखित परिक्षा सञ्चालन हुने भएकाे छ भने यसअघि लिखित परिक्षा पास गरेका सेवाग्राहीहरुले २७ गतेदेखि प्रयाेगात्मक परिक्षा ( ट्रायल ) दिन पाउने भएका छन् ।

स्कुटर, माेटरसाइकल तथा कार, जीप एवम् डेलिभरी भ्यानका परिक्षार्थीहरुको लिखित परिक्षासम्वन्धी सूचना

यातायात व्यवस्था कार्यालय सवारीका निमित्त प्रमुख भरतराज काफ्लेका अनुसार हाललाई पुरानै मापदण्ड अनुसार परिक्षा हुने भएकाे छ । तर सेवाग्राहीहरुले स्वास्थ्य सुरक्षाका मापदण्ड भने पालना गर्नुपर्नेछ । काेभिड महामारीकाे जाेखिम कायमै रहेकोले परिक्षा २ सिफ्टमा सञ्चालन गरिने काफ्लेले बताएका छन् ।

भदाै २७, २८ र २९ गते ट्याक्टर, पावरट्रेलर, बस, ट्रक र लरीको प्रयाेगात्मक परिक्षा हुनेछ । यस्तै, ३० र ३१ गते मिनि बस, मिनि ट्रकको ट्रायल हुने कार्यालयद्वारा प्रकासित सूचनामा उल्लेख छ ।

हेर्नुहाेस् के को ट‍्रायल कहिले ?