कांग्रेसको वेबसाइटबाट गगन विश्व र मन्सुरको नाम हट्यो

पोखरा ।

नेपाली कांग्रेसको वेबसाइटबाट तीन पदाधिकारीको नाम हटेको छ ।

कांग्रेस वेबसाइटबाट महामन्त्रीद्वय गगन थापा र विश्वप्रकाश शर्मा तथा सहमहामन्त्री फरमुल्लाह मन्सुरको नाम हटाइएको हो ।

शेरबहादुर देउवा पक्षीय केन्द्रीय कार्यसमितिको हिजोको बैठकले ५ वर्ष साधारण सदस्यसमेत नरहने उनीहरुलाई निष्काशन गरेको थियो।

यता, विशेष महाधिवेशनले हिजो नै देउवाबाट कारबाहीमा परेका तत्कालीन महामन्त्री गगन थापालाई सर्वसम्मत सभापति चयन गरिसकेको छ।

थापा नेतृत्वको नयाँ समितिमा विशवप्रकाश उपसभापति र मन्सुर सहमहामन्त्री नै चुनिएका छन् ।