एमालेको चुनावी सभा सम्बाेधन गर्न केपी ओली पोखरा आउँदै

चुनावी सभालाई सम्बोधन गर्न नेकपा एमाले अध्यक्ष केपी ओली कात्तिक २१ गते पोखरा आउने भएका छन् । पोखरा सभागृहमा हुने चुनावी सभालाई सम्बोधन गर्न ओली पोखरा आउने भएका हुन् ।

यसअघि कात्तिक २० गते पोखरा आउने भनिए पनि व्यस्तताको कारण सभा १ दिनपछि २१ गते सरेको एमाले कास्कीका सचिव बैनबहादुर अधिकारी क्षेत्रीले जानकारी दिए । सभाकाे तयारी सुरु गरिएको उनले जानकारी दिए । कात्तिक २१ गते नै ओलीले बागलुङमा आयोजित सभालाइ सम्बाेधन गर्नेछन् ।

ओलीले चुनावी प्रचारका क्रममा ४० जिल्लाका ५० निर्वाचन क्षेत्रमा हुने सभालाई सम्बोधन गर्ने एमाले प्रचार विभागका उपप्रमुख विष्णु रिजालले बताए ।