कास्की १ (ख)बाट एमालेका श्याम निर्वाचित

पोखरा । कास्की १ (ख)बाट गण्डकी प्रदेश सभा सदस्यमा नेकपा एमालेका बेदबहादुर गुरुङ (श्याम)निर्वाचित भएका छन् ।

नेपाली कांग्रेसका दीपक गुरूङलाई ८ सय ६७ मतान्तरले हराउँदै एमालेका बेदबहादुर निर्वाचित भएका हुन् ।

एमालेका श्यामले १२ हजार ६६१ र कांग्रेसका दीपकले ११ हजार ७९४ मत प्राप्त गरे । राप्रपाका महेन्द्रबहादुर कार्कीले ३ हजार ६५६ मत पाएको निर्वाचन कार्यालयले जनाएको छ ।