विश्व कप कहिले कुन देशले जित्यो ? (सूचीसहित)

पोखरा

प्रत्येक चार/चार वर्षमा आयोजना हुने विश्व कपको २२ औं संस्करण कतारमा जारी छ । एसियाली देश कतारले आयोजना गरेको विश्व कप अन्तर्गत लिग चरणका खेलहरु सकिएर प्रिक्वाटरफाइनलका खेलहरु भइरहेका छन् । खेल नकआउट चरणमा रहेका बेला यो पटकको विश्व कप कसले जित्ला भन्ने चासो बढेको छ ।

सन १९३० देखि सुरु भएको विश्व कपको इतिहास हेर्ने हाे भने सबैभन्दा धेरै पटक ब्राजिलले विश्व कप जितेको छ । उसले सन १९५८, १९६२, १९७०, १९९४ र २००२ मा विश्व कप उचालेकाे छ ।

ब्राजिलपछि धेरै पटक विश्व कप जित्नेमा इटली र जर्मनी रहेका छन् यी देशले चार/चार पटक जितेका छन् । त्यसैगरी उरुग्वे, अर्जेन्टिना, फ्रान्सले २/२ पटक विश्व कप उचालेका छन् भने इङ्ल्यान्ड र स्पेनले एक/एक पटक जितेका छन् ।