आईपीएल : दिल्ली हारेपछि मुम्बई इन्डियन्स अंकतालिकाकाे शिर्षस्थानमा

पाेखरा । मुम्बई इन्डियन्स यूएईमा जारी १३ औं संस्करणको इन्डियन प्रिमियर लिग आईपीएल क्रिकेटको शीर्ष स्थानमा उक्लिएको छ । आइतबार राति भएको खेलमा मुम्बईले एक सय ६३ रनको लक्ष्य दुई बल बाँकी रहँदै ५ विकेट गुमाएर पुरा गर्‍यो।

मुम्बईको पालीमा क्विन्टन डि कक र सुर्यकुमार यादबले समान ५३-५३ रन जोडे। इसन किसनले २८ रन बनाए ।

त्यसपछि किसन र यादबबीच ५३ रनको साझेदारी भयो। त्यसअघि टस जितेर पहिला ब्याटिङ रोजेको दिल्लीले निर्धारित २० ओभरमा ४ विकेट गुमाएर एक सय ६२ रन जोड्यो। दिल्लीको पालीमा शिखर धवन एक्लैले ६९ रन जोडे। श्रेयस अय्यरले ४२ रन बनाए। अय्यर र धवनबीच तेस्रो विकेटका लागि ८५ रनको साझेदारी भएको थियो।

धवनले ५२ बलमा एक छक्का र ६ चौका प्रहार गरे। मुम्बईका कुनाल पाण्ड्याले दुई र ट्रेन्ट बोल्टले एक विकेट हात पारे। ७ खेलपछि दुवै टोलीको समान १० अंक भएपनि नेटरनरेटमा मुम्बईले दिल्लीलाई पछाडि धकेलेको हो।