देउवासँग प्रचण्डको प्रस्ताव – मलाई प्रधानमन्त्री बन्न सहयोग गर्नुस्

काठमाडौं । प्रधानमन्त्री शेरबहादुर देउवा र नेकपा माओवादी केन्द्रका अध्यक्ष पुष्पकमल दाहाल प्रचण्डबीच शनिबार भेटवार्ता भएको छ । प्रधानमन्त्री देउवालाई भेट्न प्रचण्ड शनिबार बिहान बालुवाटार पुगेका थिए ।

भेटमा प्रचण्डले गठबन्धनबाट पहिलो चरणमा प्रधानमन्त्री बनाउन प्रस्ताव गरेका छन्। प्रचण्डको प्रस्तावमा देउवाले गठबन्धनमा छलफल गरेर अघि बढ्ने जवाफ दिए ।

प्रधानमन्त्री देउवाले पनि अगामी सरकारको नेतृत्व आफूले नै गर्ने संकेत गर्दै आइरहेका छन् ।

उनले औपचारिक रुपमा कतै यो विषयमा नबोले पनि निकट नेताहरूसँग अन्तिम पटक आफूले सरकारको नेतृत्व गर्न पाउनुपर्ने बताउँदै आएका छन् ।