७ दिन समय दिएर राष्ट्रपतिद्वारा सरकार गठन आह्वान

काठमाडौँ । राष्ट्रपति विद्यादेवी भण्डारीले सरकार गठनका लागि आह्वान गरेकी छन् ।

उनले संविधानको धारा ७६ (२) अनुसार सरकार गठन गर्न आइतबार ७ दिनको समय दिएकी हुन् । दलहरुले पुस १० गते साँझ ५ बजेसम्म दाबी प्रस्तुत गर्नुपर्ने छ ।

संविधानको उक्त व्यवस्थाअनुसार प्रतिनिधिसभामा दुई वा दुई भन्दा बढी दलको समर्थनमा बहुमत जुटाउन सक्ने प्रतिनिधिसभा सदस्यले प्रधानमन्त्री दावी गर्न सक्ने छ ।