औद्योगिक मेलामा पिङबाट खसेर घाइते भएकी अस्मिताको मृत्यु

पोखरा

पोखरा उद्योग वाणिज्य संघले आयोजना गरेको राष्ट्रिय औद्यगिक व्यापार मेलामा रहेको पिङबाट गत मंसिर १८ गते खसेर घाइते भएकी २२ वर्षीया अस्मिता लिम्बुको आज मृत्यु भएको छ ।

मेलामा राखिएको बाल उद्यानमा राखएको रोटे पिङमा खेल्दा डब्बा कोल्टिएपछि भुईमा खसेको थियो । जसमा चार जना घाइते भएका थिए । घाइते मध्येकी अस्मिताको अवस्था गम्भीर थियो ।

गण्डकी मेडिकल कलेजमा उपचारको क्रममा दिउँसो १२ः५५ नै उहाँको बुधबार मृत्यु भएको जिल्ला प्रहरी कार्यालय कास्कीले जानकारी दिएको छ ।

यसबारेमा पोखरा उद्योग वाणिज्य संघका अध्यक्ष पवनकुमार प्रजापतिसंग कुरा गर्न खोज्दा उनले छलफल चलिरहेकाले पछि कुरा गर्ने बताएका छन् ।