पोखरा महोत्सव सुरु

पोखरा

११ औं संस्करणको पोखरा महोत्सव सुरु भएको छ । युनाइटेड क्लब पोखराको आयोजनामा अमरसिंह चौरमा सुरु महोत्सवको गण्डकी प्रदेशका मुख्यमन्त्री खगराज अधिकारीले उद्घाटन गरे ।

महोत्सवले आर्थिक गतिविधि उकास्न सघाउने अधिकारीले बताए । मेला महोत्सवले स्थानीय वस्तुको बजारीकरणलाई जोड दिनुपर्ने उल्लेख गरे ।

‘अर्गानिक उत्पदानहरुलाई महोत्सवले प्राथमिकता दिउ । पिङ खेले पनि चौराले पिङ खेलौं । यो खेलेको मैले विरोध गरेको होइन । सबै पैसा उतैतिर (भारत) जान्छ’, उनले भने ।

महोत्सव आगामी माघ ९ गतेसम्म चल्नेछ । महोत्सवमा २ सय ५८ स्टल छन् । महोत्सवको मुख्य आकर्षणमा घोडा सवारसँगै टिकटक प्रतियोगिता रहेको छ ।

२ लाख ५० हजार दर्शकले महोत्सवको अवलोकन गर्ने अनुमान गरिएको छ ।