चिसो मौसममा विद्यार्थीलाई न्यानो कपडा

तनहुँ

तनहुँको व्यास नगरपालिका वडा नं ५ चिन्तुटार स्थित  शुक्र आधारभूत विद्यालयका विद्यार्थीहरूलाई न्यानो कपडा प्रदान गरिएको छ । एनसिएस एजुकेसन फाउन्डेसनको सहयोगमा न्यानो कपडा वितरण गरिएको हो ।

व्यास ४ का वडा सदस्य सरोज भण्डारीको सक्रियतामा नर्सरीदेखि कक्षा ८ सम्म पढाइहुने उक्त विद्यालयमा सम्पूर्ण विद्यार्थीहरूलाई एक विद्यार्थी एक स्विटर र टोपी प्रदान गरिएको हो ।

जाडो बढेसँगै बालबालिकाहरूलाई न्यानो स्विटर र टोपीले निरन्तर विद्यालय आउन सहज हुने फाउन्डेसनका प्रमुख मुना न्यौपानेले बताइन् । वडा सदस्य भण्डारीले जाडोमा न्यानो कपडाको अभावले गर्दा बालबालिका विद्यालय नआउने गरेको र उनीहरूको दैनिक पठनपाठनमा समेत प्रभाव परेकाले न्यानो कपडा वितरणमा सहयोग गरिएको बताए ।