पोखरा
गण्डकीका सत्ता साझेदार दलहरुको बैठक सुरु भएको छ । गण्डकी प्रदेशका मुख्यमन्त्रीको निवासमा दलहरुको बैठक अहिले बसिरहेको छ । आइतबार साँझको बैठकमा ७ मन्त्रालय राख्ने सहमतिलाई आजको बैठकले अपौचारिक निर्णय गर्नेछ । मन्त्रालयको टुंगोसँगै आज नै मन्त्रि परिषद् विस्तार गर्ने तयारीमा मुख्यमन्त्री खगराज अधिकारी रहेको स्रोतको दाबी छ ।
‘सत्ता साझेदार दलहरुको बैठक मुख्यमन्त्री निवासमा चलिरहेको छ,’ मुख्यमन्त्रीको सचिवालयले भन्यो,‘ हिजो दलहरुबीचमा भएको सहमति अनुसार आज मन्त्रि परिषद्को बैठक बसेर मन्त्रालय टुंगो लगाएपछि मन्त्रिपरिषद्को विस्तार पनि आजै हुने सम्भावना छ । ’ मन्त्री परिषद्ले मन्त्रालयको संख्याको बारेमा निर्णय गरे लगत्तै सोमबार बेलुकासम्म मन्त्रिमन्डल विस्तार गर्ने योजना मुख्यमन्त्री रहेको स्रोत बताउँछ । एमालेबाट मुख्यमन्त्रीसहित ४, माओवादीबाट २ र राप्रपाबाट १ जना गरी ७ सदस्यीय मन्त्रिपरिषद् बनाउने अधिकारीको चाहना हो ।
गत पुष २५ गते मुख्यमन्त्रीमा नियुक्त भएका अधिकारीले सोही दिन माओवादीका हरिबहादुर चुमान, एमालेका सीता सुन्दास र राप्रपाका पञ्चराम तमुलाई विना विभागीय मन्त्री बनााएका थिए । मन्त्रालय संख्या र दलगत भागबण्डा नमिल्दा मन्त्रिपरिषद् विस्तारमा ढिलाइ भएको हो ।
प्रकाशित मिति २०७९ माघ ९ गते सोमबार ०९:००
