पोखरा
गण्डकी प्रदेशका पहिलो मुख्यमन्त्री पृथ्वीसुब्बा गुरुङले रोजेका नीति तथा योजना निर्माण गर्ने सारथीलाई नै अहिलेका मुख्यमन्त्री खगराज अधिकारीले पनि दोहो¥याएका छन् ।
गण्डकी प्रदेशको आइतरबार बसेको मन्त्रिपरिषदको बैठकले डा. गिरिधारीलाई नै दोहो¥याउने निर्णय गरेको सरकारका प्रवक्ता रोशन गाहामगरले जानकारी दिए ।
लामो समय युनिडिपीमा खाइखेलेका डा. गिरिधारीसँग योजना निर्माणमा विशेष अनुभव रहेकाले नै फेरि दोहो¥याएका हुन् ।
डा. गिरिधारी स्याङ्जावासी हुन् । अघिल्लो पटक युएनडिपीको राष्ट्रिय आयोजना प्रवन्धकबाट राजीनामा दिएर आएपछि नीति तथा योजना आयोगमा उपाध्यक्ष नियुक्त भएका थिए ।
२०७४ माघ २९ गते मुख्यमन्त्री नियुक्त भएर फागुन ४ गते सरकार गठन गरेका पृथ्वीसुब्बाले अनुभवी र संघीयताको मर्मअनुसार योजना निर्माण गर्ने व्यक्ति पाइरहेका थिएनन् ।
२०७५ साउन ११ गते नियुक्त भएका शर्मा गण्डकी प्रदेशमा पृथ्वीसुब्बाको सरकार ढलेपछि फेरि काठमाडौं फर्किएर युएनडिपीमै नेपालको दीगो विकास लक्ष्य सल्लाहकारका रुपमा पूर्णकालीन जागिर खाइरहेका थिए । सोमबार राजीनामा बुझाएर १÷२ दिनभित्र गण्डकीको नियुक्त हुन आउने उनले बताए ।
शर्माले थाइल्यान्डको एसियन इन्टिच्युट अफ टेक्नोलोजीबाट डेभलपमेन्ट प्लानिङमा एमएस्सी र पिएचडी गरेका छन् ।
युएनडिपीबाट राजीनामा दिएर दोस्रो पटक गण्डकीको नीति तथा योजना आयोगमा ल्याएका खगराजसँग शर्माको विद्यार्थी कालदेखिकै सम्बन्ध हो ।
उनीहरु दुबै जना पोखराको पृथ्वीनारायण क्याम्पमा आइए सँगै पढेका थिए ।
आइतबारको मन्त्रिपरिषद बैठकले उपाध्यक्षमा डा. गिरिधारीसँगै अन्य २ जना सदस्य पनि नियुक्त गरेको छ । तनहुँका डा. सुवास अधिकारी र कास्कीकी डा. सीता खत्री सदस्यमा नियुक्त भएका छन् ।
डा. अधिकारी यसअघि कृष्णचन्द्र नेपाली पोखरेल नेतृत्वको सरकारमा पनि सदस्य थिए । उनी माओवादी कोटाबाट सदस्यमै दोहोरिएका हुन् ।
प्रकाशित मिति २०७९ माघ १५ गते आइतबार ०८:०४
