पोखरा
पोखरामा-१३ काहूँखोलामा आइतबार आत्मदाह गर्न खोजेका डेरावाल पुरुषलाई बचाउने घरधनी महिलाको मृत्यु भएको छ ।
काँहूखोलाकी ४० वर्षीया संगीता सापकोटाको आज विहान करिब ५ बजे उपचारको क्रममा पोखरा स्वास्थ्य विज्ञान प्रतिष्ठानमा मृत्यु भएको अस्पतालले जनाएको छ । सापकोटाको शरीरको ८५ प्रतिशत भाग जलेका कारण भेन्टिलेटरमा राखि उपचार गरिएको थियो ।
आफूलाई पेट्रोल छर्किएर आत्मदाह गर्न खोजेका ४३ वर्षीय कृष्णबहादुर क्षेत्रीको भने अवस्था सुधारोन्मुख रहेको अस्पतालले बताएको छ ।
सापकोटाको घरमा स्टेशनरी सञ्चालन गर्दै आएका क्षत्रीले आइतबार आत्मदाहको प्रयास गरेका थिए ।
उनलाई बचाउने क्रममा संगीताको शरीरमा आगो सल्किएर गम्भीर घाइते भएको हुन सक्ने प्रहरीको प्रारम्भिक अनुमानले देखाएको जिल्ला प्रहरी कार्यलय कास्कीका निमित्त प्रवक्ता सुवास तिमिल्सनाले बताए ।
प्रकाशित मिति २०७९ माघ १६ गते सोमबार ०१:४८
