यू–२० साफ महिला च्याम्पियनसिपकाे फाइनल आज, नेपाल र बंगलादेश खेल्दै

पोखरा

२० वर्षमुनिको साफ महिला च्याम्पियनसिप फुटबलको फाइनल खेल आज हुँदैछ ।

बंगलादेशमा भइरहेको च्याम्पियनसिपको फाइनलमा आज नेपालले बंगलादेशसँग खेल्दैछ । खेल ढाकामा बेलुका पौने ६ बजे हुनेछ । नेपाल घरेलु टोली बंगलादेशलाई हराएर उपाधि जित्ने दाउमा छन् बंगालदेश पनि आफ्नै भूमिमा भएको प्रतियोगिताको उपाधि रक्षा गर्ने होडमा छ ।

राउन्ड रोबिनको आधारमा भएको प्रतियोगिताको शीर्ष दुई टोलीले उपाधिका लागि प्रतिस्पर्धा गर्न लागेका हुन् । प्रतियोगितामा नेपाल र आयोजक बंगलादेशसहित भारत र भुटानको सहभागिता रहेको थियो ।