पाेखराका ५ सहित गण्डकी प्रदेशमा शुक्रबार ५४ जना काेराेना संक्रमित थपिए

पाेखरा । गण्डकी प्रदेशमा शुक्रबार थप ५४ जनामा काेराेना भाइरसकाे संक्रमण पुष्टि भएकाे छ । प्रदेशका विभिन्न जिल्लाका संक्रमितहरूसहित ५४ जनामा संक्रमण पुष्टि भएकाे गण्डकी प्रदेश स्वास्थ्य निर्देशनालयले जनाएकाे हाे ।

संक्रमितमध्ये एक जना पोखराकाे मातृशिशु मितेरी अस्पताल, पोखरामा कार्यरत २५ बर्षीय महिला चिकित्सक हुन । यस्तै, तनहुँ जिल्ला, ब्यास-३ का ३८ बर्षीय पुरुष सनराईज बैंक र ३९ बर्षीय पुरुष ब्यास नगरपालिकामा कार्यरत कर्मचारी रहेकाे निर्देशनालयले जनाएकाे छ ।

पाेखरा महानगरपालिकाका ५ जना र कास्कीकाे अन्नपूर्ण गाउँपालिकाका १ जना गरि कास्कीका ६ जना , नवलपरासीका २३ जना, बाग्लुङका ९ जना,  तनहुँका ६ जना, म्याग्दी र गाेरखाका  ३/३ जना,  लमजुङका २ जना, स्याङजा र पर्वतका १/ १ जना,  रहेकाे निर्देशनालयले उल्लेख गरेकाे छ ।

यससंगै गण्डकी प्रदेशमा काेराेनाका कारण संक्रमित हुनेकाे संख्या ६ हजार ३ सय २१ पुगेको छ ।