गण्डकी प्रदेशका मुख्यमन्त्री खगराज अधिकारीले अघिल्लो कांग्रेस नेतृत्वको सरकारले प्रदेशलाई उठ्नै नसक्ने गरी थला पारेको थला पारेको बताएका छन् ।
अघिल्लो सरकारले आर्थिक अनुशासन कायम नगरी मनपरी योजना र बजेट हाल्दा अहिलेको सरकारलाई ठूलो भार पारेको मुख्यमन्त्री अधिकारीको भनाइ छ ।
यसअघिका अर्थमन्त्री रामजी बराल र भौतिक पूर्वाधार मन्त्री कुमार खड्काले मनपरी योजना हाल्दा अहिलेको सरकारलाई ठूलो दायित्व थपिएको मुख्यमन्त्री अधिकारीको आरोप छ ।
जाँदाजाँदै २ सयभन्दा धेरै योजना स्रोत सुनिश्चि नगरी बहुवर्षीय आयोजनाका रुपमा ठेक्का लगाएर गएको मुख्यमन्त्रीले बताए ।
पब्लिक टेलिभिजनको कार्यक्रम ‘पब्लिक प्रश्न’मा कुराकानी गर्दै अधिकारीले ३\४ अर्बका योजना रकमान्तर गरेर अघिल्ला अर्थमन्त्री र भौतिक मन्त्रीले ल्याएको आरोप लगाए ।
मुख्यमन्त्री अधिकारीले गण्डकी प्रदेशलाई अघिल्लो सरकारले खोक्रो पारेर छोड्दा अहिले आफूलाई धेरै पीडा भएको बताए ।
अब हामी हुँदैनौं आउने सरकारले जे सुकै गरोस् भनेर जाँदाजाँदै अर्बौंको बहुवर्षीय योजनालाई ठेक्का लगाइएको अधिकारीको आरोप छ ।
यसअघिका भौतिक पूर्वाधार मन्त्री कुमार खड्काले रकमान्तर गरेर एउटै वडामा अर्बौंको वहुवर्षीय ठेक्का लगाएको उनले बताएका छन् ।
अधिकारीले अघिल्लो सरकारले योजना सम्झौता गरेका ठेकदारहरु पैसा माग्न आउन थालेको पनि सुनाए ।
प्रकाशित मिति २०७९ फागुन २३ गते मंगलबार ०६:०७
