इंग्लिस प्रिमियर लिगमा आर्सनल विजयी

इंग्लिस प्रिमियर लिग फुटबलमा आर्सनल विजयी भएको छ । गएराति भएको खेलमा फुलहमलाई ३–० गोल अन्तरले हराउँदै आर्सनल विजयी भएको हो । जितसँगै आर्सनलले ६६ अंक जोडेको छ । म्यानचेस्टर सिटी ६१ अंकका साथ दोस्रो स्थानमा छ ।

तेस्रो स्थानमा रहेको म्यानचेस्टर युनाइटेड भने साउथह्याम्टनसँग गोलरहित बराबरीमा रोकिएको छ । गएरातिको खेल बराबरी भएसँगै युनाइटेडले अंक बाँडेको छ । उसको ५० अंक छ ।

गएराति नै भएका अरु खेलमा वेस्टह्याम र एस्टोन भिल्लाले एक एक गोलको बराबरी खेलेका छन् भने न्यूक्यासलले वुल्भ्स्लाई २–१ गोल अन्तरले हराएको छ । एजेन्सी