स्याङ्जाका विद्यालय कर्मचारीको शनिबार जिल्ला अधिवेशन हुने

स्याङ्जा

नेपाल विद्यालय कर्मचारी परिषद् स्याङ्जाको प्रथम जिल्ला अधिवेशन शनिबार अर्थात् चैत्र १८ गते हुने भएको छ । अधिवेशनमा जिल्लाभरका विद्यालयका कर्मचारीहरूको सहभागिता हुनेछ ।

हाल विद्यालय कर्मचारीले आफूहरुलाई दिँदै आएको मासिक तलब  १७ हजार ५ सय कम भएको र काम भने धेरै गर्नुपर्ने गुनासो  गर्दै आएका छन् । अस्थायी दरबन्दीमा बस्नुपर्ने, एकदमै न्यून तलबमा काम गर्नुपरेको तथा अन्य सेवा सुविधाबाट वञ्चित भएको भन्दै स्याङजाका विद्यालय कर्मचारी आन्दोलित  छन् ।

स्याङ्जा पुतलीबजार ३ मा अवस्थित काजिमान हरिटीका माध्यमिक विद्यालयकी यसोधा गुरूङले भनिन्,’एकदमै बढि काम विद्यालय कर्मचारीले गर्नुपर्ने रहेछ । कामको हिसाबमा पारिश्रमिक निकै कम छ ।’

सरस्वती मावि गैरीखेत पुतलीबजारकी कमला ढकालले विद्यालय कर्मचारी सङ्गठित भएर आफ्ना माग सरकार समक्ष राखिने बताइ्न् ।

जिल्लास्तरीय प्रथम अधिवेशनले नयाँ कार्यसमिति गठन गर्ने छ । त्यसपछि सङ्घीय संरचना अनुसार पालिका स्तरीय कार्यसमिति पनि गठन हुनेछन् ।