प्रदेशस्तरीय पारा खेलकुद प्रतियोगिता पोखरामा

पोखरा

गण्डकी प्रदेशस्तरीय पारा खेलकुद प्रतियोगिता शुक्रबार सम्पन्न भएको छ ।

गण्डकी खेलकुद परिषदले आयोजना गरेको प्रतियोगितामा शारीरिक अपांगता, मनोसामाजिक, अटिजम, बौद्धिक अपांगता र बहुअपांगता गरी ५ थरीका अपांगता भएका व्यक्तिहरु सहभागी थिए ।

बौद्धिक अपांगता तथा अटिजम भएका बालबालिकाका लागि दौड, अटिजम भएका बालबालिका लागि सफ्टबल थ्रो, मनोसामाजिक अपांगताका लागि म्युजिकल च्येर, बहुअपांगता भएकाका लागि बोसिया र शारीरिक अपांगता भएकाहरुले ह्विलचेयर बास्केटबल प्रतियोगिता भएको गण्डकी खेलकुद परिषदका सदस्य अमृत बरालले जानकारी दिए ।

बौद्धिक अपांगता भएका बालबालिकाकी अभिभावक विश्वकुमारी आचार्य पौडेलले यस्ता प्रतियोगिता हुँदा बालबालिका रमाउने बताउँदै खेलकुदका कार्यक्रमको आयोजना समयसमयमा गरिरहनुपर्नेमा जोड दिइन् ।

प्रतियोगितामा १ सय ४ जना अपांगता भएका व्यक्तिको सहभागिता थियो ।

प्रतियोगिताको नतिजा: 

प्रकाशित मिति २०७९ चैत १७ गते शुक्रबार ०५:१२