उपचुनावका उम्मेदवारको अन्तिम नामावली प्रकाशन आज

पोखरा

तनहुँ, चितवन र बारामा हुन लागेको उपचुनावका उम्मेदवारहरुको अन्तिम नामावली आज प्रकाशन गरिँदैछ ।

वैशाख १० गते हुने उपचुनावका लागि उम्मेदवारी दिएकाहरुले आज बिहान ९ बजेदेखि १ बजेसम्म फिर्ता लिनसक्नेछन् ।

उम्मेदवारको अन्तिम नामावली प्रकाशन भएपछि आजै चुनाव चिह्न दिइने निर्वाचन आयोगले जानकारी दिएको छ ।

चितवन–२, तनहुँ–१ र बारा–२ मा हुने उपनिर्वाचनका लागि गत सोमबार उम्मेदवारी दर्ता भएको थियो।