गीतकार राजकुमार बगरको एकल गीत वाचन चैत २५ गते हुने

पोखरा

गीतकार राजकुमार बगरको एकल गीत वाचन कार्यक्रम यहि चैत २५ गते हुँदैछ । गीतकार प्रतिष्ठान नेपालले आयोजना गरेको गीत वाचनमा गीतकार बगरले २ दर्जन बढी गीत सुनाउनेछन् ।

गीतकार बगरले उडेर जून छुन्छु भन्थे, यता कुलो काट्दा, तिम्लाई आफ्नो भन्ने मेरो अधिकार गुमेपछि लगायतका दर्जनौं चर्चित गीत लेखेका छन् ।  उनले हालसम्म १२  सय बढी गीत लेखिसकेका छन् । पोखरालाई कर्मभुमि बनाएर देशविदेशमा चर्चा कमाएका गीतकार बगरको सम्मानमा कार्यक्रम गर्न लागिएको प्रतिष्ठानका अध्यक्ष हरिहर खनियाँले बताए । उनले कार्यक्रमको तयारी तीवरुपमा भइरहेको जनाए ।

पोखरा उद्योग वाणिज्य संघको अमृत कक्षमा यहि शनिबार दिउँसो १ बजेबाट हुने कार्यक्रमको प्रवेश निःशुल्क रहेको छ ।