गायिका शान्ति श्रीष मगरको ‘जून तारा’ सार्वजनिक

पोखरा

गायिका शान्ति श्रीष मगरको ‘जून तारा’ बोलको गीत सार्वजनिक भएको छ । सुरेश रानामगरको लय र शब्द रहेको गीतमा स्वरुपराज आचार्य र शान्ति श्रीष मगरको आवाज रहेको छ ।

मगरको आफ्नो यूट्युब च्यानलमा सार्वजनिक भएको गीतको भिडियोमा गायिका मगर, विजय पुन, अस्विन मगर र गीता ढुंगानाको अभिनय रहेको छ ।

गीतमा समाजको सत्य घटनालाई आधारित बनाएर सन्देशमुलक बनाउने प्रयास गरिएको गायिका मगरले बताइन् । मौसम हिमालीले निर्देशन गरेको गीतको भिडियोको छांयाकनमा तनहुँ शुक्लागण्डकी ६ गरिएको हो ।

पोखराकी उद्यमी समेत रहेकी गायिका मगरको यो दोस्रो गीत हो । यसअघि उनको ‘फूलजस्तै मेरो जोवन गीत’ पनि चर्चित छ ।