बुद्धजयन्तिमा याङ्जाकोटमा ३ दिने महोत्सव हुने

पोखरा

बुद्धजयन्तिमा कास्कीको याङ्जाकोटमा ३ दिने महोत्सव हुने भएको छ । याङ्जाकोट मीलन युवा क्लबले महोत्सव आयोजना गरेको हो ।

बैशाख २१ देखि २३ गतेसम्म मादी गाउँपालिका–३ याङ्जाकोटमा महोत्सव हुनेछ । स्थानीय कला सँस्कृतिक र सम्पदाको उजागर गर्न महोत्सव आयोजना गरेको क्लबका अध्यक्ष विकास गुरुङले बताए ।

महोत्सवमा साँस्कृतिक कार्यक्रम, वडास्तरीय भलिबल प्रतियोगिता, खुल्ला बास्केटबल प्रतियोगिता, ठेलो हान्ने, घैटो फुटाइ, रस्साकस्सी र नृत्य प्रतियोगिता हुनेछ । भलिबल र बास्केटबल प्रतियोगिताका विजेताले १ लाख १ हजार १११ रुपैयाँ र उपविजेताले ५५ हजार ५५५ रुपैयाँ प्राप्त गर्नेछन् । नृत्य प्रतियोगिताको विजेताले ५० हजार र उपविजेताले ३० हजार रुपैयाँ पाउने आयोजकले जनाएको छ ।

२०३८ सालदेखि याङ्जाकोटमा महोत्सव हुँदै आएको छ । महोत्सवबाट मुनाफा भएको रकमले क्लबको बहुउदेश्यिय भवन निर्माण र अक्षयकोषको वृद्धि गर्ने आयोजकले जनाएको छ ।