पोखरामा गुञ्जदै जनवादी गीत

पोखरा

जनता, राष्ट्र र राष्ट्रियताको मुक्तिका लागि संगीत अभियात्राको देश दौडाहामा निस्किएका जनवादी कलाकारको टोली पोखरा आइपुगेको छ । समावेशी कलाकारको समूहले मंगलबार दिउँसो पोखरामा जनवादी गीत संगीत पस्कनेछन् ।

जनवादी गायक जीवन शर्मा, मणि थापा, उदय श्रेष्ठ लगायतको स्वर गुञ्जिनेछ । २५ जना कलाकार गीतसँगै नृत्य प्रस्तुत गर्नेछन् । राजनीतिक अस्थिरता र विकृतीको विरुद्धमा राष्ट्रको लागि संगीत अभियात्रामा निस्किएको गायक जीवन शर्माले बताए । ‘राष्ट्रलाई बलियो बनाउन अभियानले प्रेरित गर्नेछ’, उनले भने ।

यसअगाडि यो समूहले धनगढी, सुर्खेत, दाङ, बुटवल, भरतपुर, हेटौंडा, बर्दिवास, इलाम, विर्तामोडमा सांगीतिक यात्रा गरिसकेको छ । संगीत अभियात्रा बैशाख ५ गते काठमाडौंमा समापन हुनेछ ।