पोखराका ६९ सहित गण्डकी प्रदेशमा थप १०४ जनामा काेराना पुष्टि

पाेखरा । बुधबार पोखरा महानगरपालिकाका ६९ जनासहित गण्डकी प्रदेशमा थप १०४ जनामा काेराेना भाइरसकाे संक्रमण पुष्टि भएकाे छ । प्रदेशका विभिन्न जिल्लामा भेटिएका संक्रिमतसहित थप १०४ जनामा काेराेना पुष्टि भएको गण्डकी प्रदेश स्वास्थ्य निर्देशनालयले जनाएको छ ।

बुधबार संक्रमित हुनेहरुमा पोखरा महानगरपालिकाका ६९ जना, नवलपरासीका १८ जना, तनहुँका ४ जना, गोरखाका ३ जना, स्याङ्जाका ६ जना, पर्वतका २ जना तथा लमजुङ्का २ जना रहेको निर्देशनालयले उल्लेख गरेको छ ।

यससंगै प्रदेशमा काेराेना भाइरसबाट संक्रमित हुनेको कुल संख्या ८ हजार १०४ पुगेकाे छ ।