घुस माग्ने पोखरा–२८ का सब–इन्जिनियरविरुद्ध आरोप पत्र दायर

पोखरा । सेवाग्राहीसँग घुस माग्ने पोखरा–महानगरपालिका २८ का सब–इन्जिनियरविरुद्ध विशेष अदालतमा आरोप पत्र दायर गरेको छ ।

जग्गाको छेउबाट बाटो निकाल्दिने भनेर सेवाग्राहीसँग १५ हजार रूपैयाँ घुस लिएपछि सब–इन्जिनियर प्रबिन विक गत चैत ३ गते पक्राउ परेका थिए ।

भ्रष्टाचार निवारण ऐन, २०५९ को दफा ३ को उपदफा (१) बमोजिमको कसुर गरेको पाइएकाले १५ हजार रूपैयाँ बिगो माग गर्दै विशेष अदालतमा गत सोमबार आरोपपत्र दायर गरिएको अख्तियारका प्रवक्ता भोला दाहालले जानकारी दिए ।

अख्तियार दुरुपयोग अनुसन्धान आयोगको कार्यालय, पोखराबाट खटिएको टोलीले सब इन्जिनियर विकलाई पक्राउ गरेको थियो ।