आज महिला अधिकार दिवस

पोखरा

आज राष्ट्रिय महिला अधिकार दिवस । विविध कार्यक्रम गरी मनाइँदैछ । ‘महिला हक अधिकार,  सबैको साझा सरोकार’ भन्ने नाराका दिवस मनाउन लागिएको हो ।

२०६३ साल जेठ १६ गते तत्कालीन पुनःस्थापित प्रतिनिधि सभाले नेपाली महिलाका अधिकारसम्बन्धी महत्वपूर्ण चारवटा ‘विशेष प्रस्ताव’ पारित गरेको दिनलाई स्मरण गरी राष्ट्रिय महिला अधिकार दिवस मनाउन थालिएको हो ।

दिवसका अवसरमा राष्ट्रपति रामचन्द्र पौडेलले संविधानले ग्यारेन्टी गरेको आरक्षणको व्यवस्थालाई पूर्ण रूपमा कार्यान्वयनमा ल्याउनुपर्ने आवश्यकता रहेको बताएका छन् ।