गजल- राजिव रिमाल

गजल, मुक्तक र कविताजस्ता छाेटा बिधाहरूमा कलम चलाउने राजिव रिमाल पेशाले इञ्जिनियर हुन् । राजिवका कविता एवम् गजलमा समयचेत र सामाजिक विकृतीविरूद्दकाे प्रहार भेट्न सकिन्छ । प्रकृतीप्रेमी राजिवकाे लेखनमा मानव र मानवीय सम्वन्धका अनेक उहापाेहहरूसमेत देखा पर्दछन् ।

गजल

कहाँ बस्छ उभिएर ? धेरै टाढा पुग्छ ।

जब हिमाल पग्लिएर धेरै टाढा पुग्छ ।

***

पानी जस्तो बन्नुपर्थ्यो बतास बन्यौँ हामी

अब आगो सल्किएर धेरै टाढा पुग्छ।

***

आफ्नो भन्ने यो दुनिँयामा को रहला ?

जब आफ्नै छाँया छुट्टिएर धेरै टाढा पुग्छ।

***

अझै पनि हामिहरु दौडिएनौँ भने

बाटो आफै दौडिएर धेरै टाढा पुग्छ।

-राजिव रिमाल