नेपाल स्काउटको स्थापना दिवस अवसरमा प्रभातफेरी

पोखरा

नेपाल स्काउटको स्थापना दिवसको पूर्वसन्ध्यामा पोखरामा शनिबार प्रभातफेरी प्रर्दशन गरिएको छ । स्काउटको ७२ औं स्थापना दिवसको अवसरमा पोखराको चिप्लेढुंगाबाट सुरु भएको प्रभातफेरी न्युरोडहुँदै पोखरा सभागृमा पुगेर समापन भएको थियो ।

प्रदेश स्काउट कार्यालय गण्डकीको आयोजनामा गरिएको प्रभातफेरीमा विभिन्न विद्यालयका विद्यार्थीहरु सहभागी भएको प्रदेश संयोजक आर्शीवाद सुवेदीले जानकारी दिए । प्रभातफेरीमा सहभागीहरुले पिडामा परेको हरेक प्राणीलाई उद्धारमा सहयोग गरौं, रमिते नबनौं, समाजमा समभाव कायम गरौं, अरुको पिडामा अनुशासन पूर्वक मह्लम लगाउँ, मानवको पहिलो धर्म मानवताको रक्षा हो जस्ता प्लेकार्ड बोकेका थिए ।

उनका अनुसार प्रदेश भित्रका पालिकाहरुमा स्काउटिङ अभियान अगाडि बढेको र आगामी दिनमा एक विद्यालय एक स्काउट युनिट बनाइनेछ । नेपाल स्काउटले हरेक असार ५ गते आफ्नो स्थापना दिवस मनाउने प्रदेश अधिकृत विजय पौडेलले बताए ।

प्रकाशित मिति २०८० असार ३ गते आइतबार ०६:३२