नेपालले पहिलो पटक टेस्ट टोली जिम्बाबेसँग ओडिआई खेल खेल्दै

पोखरा

नेपालले पहिलो पटक टेस्ट टोलीसँग ओडिआई खेल खेल्दैछ । आइसिसी एक दिवसीय विश्वकप छनोट अन्तर्गत पहिलो खेलमा आज घरेलु टोली जिम्बाबेसँग खेल्ने भएको हो । खेल नेपाली समय अनुसार दिउँसो पौन १ बजे जिम्बाबेको हरारे स्पोर्ट्स क्लबमा सुरु हुनेछ । ओडिआई विश्व वरियतामा जिम्बाबे ११ औं र नेपाल १५ औं स्थानमा छन् । विश्वकपको दाबेदार जिम्बावे नेपाललाई हराउँदै सहज सुरुवात गर्न दाउमा छ ।

पछिल्लो समय राम्रो प्रदर्शन गर्दै आएको नेपाल उत्कृष्ट क्रिकेट खेल्दै जिम्बाबेलाई हराउने रणनीतिमा छ । नेपालको रोहित पौडेल र जिम्बाबेको क्रेग इर्बिनले कप्तानी सम्हाल्नेछन्  । २०१८ को विश्वकप छनोटमा नेपाल जिम्बाबेसँग १ सय १६ रनले पराजित भएको थियो ।