मंगलबार पोखराका ८० जनासहित कास्कीमा ८८ संक्रमित थपिए

पोखरा । मंगलबार पोखरामा थप ८० जनामा कोरोना भाइरसको संक्रमण पुष्टि भएको छ । रुपा गाउँपालिकाका ३ जना तथा मादी गाउँपालिकाका ५ जनासहित म‌ंगलबार कास्कीमा ८८ जना संक्रमित थपिएको गण्डकी प्रदेश स्वास्थ्य निर्देशनालयले जनाएको छ ।

यता, समग्र प्रदेशभर थप १३२ जना संक्रमित थपिएका छन् । जसअनुसार बाग्लुङ्का ७ जना, गोरखाका १४ जना,  स्याङ्जाका ११ जना, पर्वतका ३ जना, म्याग्दीका ४ जना र तनहुँका ५ जना रहेको निर्देशनालयले उल्लेख गरेको छ ।

यो स‌ंगै गण्डकी प्रदेशमा कुल संक्रमितको संख्या ९ हजार ४८८ पुगेको छ ।

यता प्रदेशमा थप १ जनाको ज्यान गएको निर्देशनालयले जारी गरेको विज्ञप्तीमा उल्लेख छ ।  तनहुँ जिल्ला भिमाद नगरपालिका ९ का ६३ बर्षीय पुरुषको गत २० गते कोरोना संक्रमणका कारण निधन भएको हो । नीजमा गत १२ गते कोरोना पुष्टि भएको थियो ।

यो संगै गण्डकी प्रदेशमा कोरोनाका कारण ज्यान गुमाउनेको संख्या ११२ पुगेको छ ।