‘राष्ट्रिय मौलिक कौराहा संरक्षण पत्रकारिता पुरस्कार’का लागि छनोट समिति गठन

पाेखरा

नेपाल मगर पत्रकार संघ कास्की र राष्ट्रिय मौलिक कौराहा संरक्षण समितिले दिँदै आएको ‘राष्ट्रिय मौलिक कौराहा संरक्षण पत्रकारिता पुरस्कार’का लागि छनोट समिति गठन भएको छ ।

आइतबार पोखरामा बसेको मगर पत्रकार संघको बैठकले पत्रकार एमबी आस्थाको संयोजकत्वमा ४ सदस्यीय छनोट समिति गठन गरिएको हो ।

समितिको सदस्यमा राष्ट्रिय मौलिक कौराहा संरक्षण समितिका तर्फबाट अध्यक्ष हर्क आलेमगर, नेपाल मगर पत्रकार संघका तर्फबाट अध्यक्ष विनु थापामगर, प्रविन मगर र मनोज घर्तीमगर छन् ।

समितिले पत्रकार छनोट गरिसकेपछि साउन १ गते पोखरामा एक कार्यक्रम गरी पुरस्कार वितरण गरिने नेपाल मगर पत्रकार संघकी अध्यक्ष विनु थापामगरले जानकारी दिइन् ।

यसअघि उक्त पुरस्कारबाट कमला रानामगर (नवलपुर), तिलक पुन पुर्जा (कास्की), प्रताप रानामगर (तनहुँ) र मानबहादुर घर्ती (एमबी आस्था) मगर (कास्की) पुरस्कृत भइसकेका छन् ।