पोखराका किसानलाई १ करोड ८१ लाख अनुदान

पोखरा

पोखरा महानगरपालिकाका किसानले १ करोड ८१ लाख रुपैयाँ अनुदान बुझेका छन् ।

‘एक वडा, एक पकेट’ कार्यक्रमअन्तर्गत पोखराका किसानले प्रोत्साहन स्वरुप अनुदान पाएका हुन् ।

अन्नवाली, तरकारी, फलफूल खेतीसँगै कृषि उत्पादनमा लागेका २० वडाका झन्डै ५ हजार किसानलाई प्रोत्साहन वापत अनुदान दिएको पोखरा महानगरपालिका कृषि महाशाखा प्रमुख मनहर कडरियाले बताए ।

महानगरको गत आर्थिक वर्षको स्वीकृत कार्यक्रमअनुसार तरकारी खेती विस्तार, मौरी पालन, आलु, उवा, सुन्तला, उखु र चैते धान खेती गर्ने किसानलाई प्रोत्साहन रकम प्रदान गरेको उनले जानकारी दिए ।