बुधबार कास्कीका ३१ जनासहित गण्डकी प्रदेशभर ५१ जनामा काेराेना पुष्टि

पाेखरा । बुधबार गण्डकी प्रदेशमा थप ५१ जनामा काेराेना भाइरसकाे संक्रमण पुष्टि भएकाे छ । यससंगै प्रदेशभर कुल संक्रमितकाे संख्या १० हजार ५४८ पुगेकाे गण्डकी प्रदेश स्वास्थ्य निर्देशनालयले उल्लेख गरेकाे छ ।

बुधबार संक्रमित हुनेहरूका पाेखरा महानगरपालिकाका २९ जनासहित रूपा गाउँपालिकाका २ जना गरि ३१ जना कास्कीका रहेका छन् । यस्तै, बुधबार स्याङ्जाका ९ जना, तनहुँका ५ जना, म्याग्दी र गाेरखाका ३/ ३ जना रहेकाे निर्देशनालयले जनाएकाे छ ।

यस्तै, बुधबार प्रदेशमा थप ३ जनाकाे ज्यान गएकाे छ । याे संगै प्रदेशमा काेराेनाका कारण ज्यान गुमाउनेकाे संख्या १२७ पुगेकाे छ ।