एसिया कपमा नेपाली क्रिकेट टोलीको अग्नी परीक्षा

पोखरा

एसिया कप क्रिकेट आजदेखि सुरु हुँदैछ । पहिलो पटक एसिया कप क्रिकेट खेल्न लागेको नेपाली राष्ट्रिय क्रिकेट टोलीले आज पाकिस्तानको मुल्तानमा घरेलु टोलीसँग प्रतिस्पर्धा गर्दैछ ।

नेपालले आफ्नो क्रिकेट इतिहासमा पहिलो पटक विश्व वरीयताको नम्बर वानमा रहेको पाकिस्तानसँग उद्घाटन खेल खेल्न लागेको हो । पाकिस्तान आइसिसी एकदिवसीय वरियतामा शीर्ष स्थानमा छ । नेपालले भदौ १८ मा भारतसँग श्रीलंकामा खेल्नेछ । भारत एकदिवसीय वरियतामा तेस्रो स्थानमा छ । नेपाल भने वरियतामा १५औं स्थानमा छ । एसिया कप भदौ ३१ गतेसम्म पाकिस्तान र श्रीलंकामा हुनेछ ।

भारत सुरक्षाको कारण देखाएर पाकिस्तान जान नमानेपछि पाकिस्तानमा ४ खेल र अरु खेल श्रीलंकामा हुने भएका छन् । नेपाल र भारतबीचको खेल भदौ १८ मा श्रीलंकाको कान्डीमा हुनेछ ।