एसिया कप : नेपाल र भारतकाे खेल बर्षाले अवरूद्द

एसिया कप क्रिकेटमा नेपाल र भारतको खेल बर्षाका कारण अवरुद्ध भएको छ ।

खेल रोकिनुअघि नेपालले ३७.५ ओभर खेल्दै ६ विकेट गुमाएर १७८ रन बनाएको छ । नेपालका लागि ओपनर आसिफ सेखले ९७ बल खेल्दै ८ चाैकाकाे मद्दतमा ५८ रन, कुशल भुर्तेलले ३ चाैका र २ छक्काकाे मद्दतमा ३८ र गुल्सन झाले ३५ बल खेल्दै ३ चाैकासहित २३ रन जाेडेका छन् । नेपालका कप्तान राेहित पाैडेल, भीम सार्की र कुशल मल्लले दाेहाेराे अंकमा रन बनाउन सकेनन् । राेहित ५, भीम ७ र कुशल मल्लले २ रन मात्र बनाए ।
बलिङतर्फ भारतका रविन्द्र जडेजा एक्लैले कुशल मल्ल, भीम सार्की र राेहित पाैडेललाइ पवेलियनकाे बाटाे देखाए भने माेहम्मद सिराजले २ तथा शार्दुल ठाकुरले १ विकेट लिएका छन् ।

नेपालका दीपेन्द्र सिंह ऐरी २७ र सोमपाल कामी ११ रनमा क्रिजमा छन् ।